Setrið í Sunnulækjarskóla - Sérdeild Suðurlands

Setrið Sunnulækjarskóla

Plokk


 

Þemað hjá okkur á vorönn er flokkun og endurvinnsla. Í þematíma í síðustu viku fóru nemendur út og tíndu rusl í á skólalóðinni og þar í kring. Þetta gekk mjög vel og voru nemendur mjög áhugasamir. Nóg var um rusl eins og sést hér á myndinni. Við ætlum svo að halda áfram að fegra umhverfið okkar og tína meira rusl. Framtíðar plokkarar hér á ferð.

 

Ljósmyndasmiðja

Í ljósmyndasmiðju fá nemendur tækifæri til að horfa á tilveruna með auga myndavélarinnar og fræðast um ljósmyndatækni.

Hér má sjá skemmtileg sýnishorn af skapandi og listrænni vinnu nemenda.

 

 

 

Kirkjuheimsókn á aðventunni

Heimsókn í Selfosskirkju á aðventunni er föst hefð í Setrinu.

Ninna Sif prestur og Jóhanna Ýr æskulýðsfulltrúi tóku á móti hópnum.

Þær fluttu frumsamið leikrit þar sem nýji og gamli tíminn kallaðist á með andstæðum um það sem veitir gleði og hamingju. 

Tengslastarf

Tenglastarf foreldra í Setrinu er að festa sig í sessi með nokkrum föstum viðburðum.

Á haustönninni héldu tenglarnir bingó í samstarfi við félagsmiðstöðina Zelsíus og piparkökumálun nú í desember.

Gefandi fyrir nemendur og foreldra að rækta vináttu og tengsl sín á milli.

Ánægjulegt hversu margir hafa mætt á þessa viðburði og notið samverunnar.


Erindi um tjáskipti á degi íslenskra tungu

Á starfsdeginum 16. nóvember kom Hanna Rún Eiríksdóttir kennari í Klettaskóla til okkar með erindi um tjáskipti í Klettaskóla. Kynntur var margvíslegur tæknibúnaður sem nemendur geta notað til að tjá sig um óskir sínar og langanir. Fróðlegt var að sjá hvernig tæknin getur nýst nemendum til tjáskipta. Erindið átti vel við á degi íslenskrar tungu því nýr heimur opnast fyrir nemendum um leið og þeir fá tækifæri til að tjá sig.

 

Sjá allar fréttir